夏日，為大地帶來美腿？NO！夏日，為大地帶來索女？NO！喂，《膠戰》嚟㗎喎！今個夏天，6膠為大家帶來 Summer Special ——《膠戰盛夏祭！爭奪高級浴衣大作戰！》膠人將會大玩特玩夏日 game，爭奪最終著高級浴衣嘅資格。全集一共有4個遊戲，每個遊戲勝出者，可獲扭蛋機會，而扭蛋機裏面有不同貼紙，膠人集齊一套4款浴衣配件（浴衣、扇、腰帶、木屐）貼紙，就為之勝出，可以穿上高級浴衣、企C位影終極大合照，而其他落敗者，就會穿上普通浴衣，並畫醜妝於大合照 上出現。呢張終極大合照喺節目出街後仲會登陸尖沙咀九龍公園(清真寺前) 巴士站嘅燈箱，歡迎各位膠粉睇完節目，再去打卡留念！

各位膠粉翹首以待嘅《膠戰S3》終於喺今個暑假同大家見面，到時除咗6膠會一貫玩膠派膠，喺「出賣中見真友誼」之外，場地、主題同嘉賓都會帶嚟唔少驚喜，仲會一連13晚將歡樂不斷放送。